Gaur hasi da ADEMBIren arreta gune berriaren ibilbidea Amorebieta-Etxanon
Begoña Ruedaren izena izango du saioak, ADEMBIren sortzaileetako baten eta elkartearen ohorezko lehendakariaren omenez.
Proiektu honek Zornotzan , Durangaldea, Lea-Artibai, Arratia-Nerbioi eta Busturialdeko eskualdeetan bizi diren Esklerosi Anizkoitza duten pertsonei zerbitzuak eta terapiak hurbiltzea du helburu.
Hainbat urtez, ADEMBIk Bilbon izan ditu bere zerbitzuak. Zentralizazio horrek zailtasun gehigarri bat ekarri die hiriburutik urrunen bizi diren pertsonei, batez ere errehabilitazio eta arreta espezializatuko zerbitzuetara ohikotasunez joan behar dutenean.
Gune berri hau martxan jarrita, ADEMBIk aurrerapauso bat eman du, arreta hurbilagoa, eskuragarriagoa eta pertsonen eta haien familien errealitatera egokituagoa eskaintzea.
Helburua da distantziak oztopo izateari uztea, Esklerosi Anizkoitza duten pertsonek behar dituzten laguntza eta zerbitzuak eskuratzeko.
Autonomian eta ongizatean oinarritutako arreta
Espazio berriak pixkanaka arreta eta errehabilitazio zerbitzu ezberdinak barneratzea ahalbidetuko du. Hasiera batean aurreikusitako zerbitzuen artean, fisioterapia, arreta psikologikoa eta terapia okupazionala daude, betiere ikuspegi integral batetik eta pertsona bakoitzaren beharretan oinarrituta.
Irekiera progresiboa izango da , horrela ADEMBIk zaio inguruko pertsonen beharrak bertatik bertara ezagutzeko , eta baliabidearen garapena errealitate horretara egokitu al izango du
Zure beharrak ezagutu nahi ditugu
Gune berri hau eskualdeko Esklerosi Anizkoitza duten pertsonei entzuteko eta zein zerbitzu behar dituzten eta nola lagundu diezaiekegun hobeto ezagutzeko asmoarekin ere sortu da.
Zornotzan, Durangaldean, Lea-Artibain, Arratia-Nerbioin edo Busturialdean bizi bazara eta aurreikusitako zerbitzuak ezagutu edo zure beharrak helarazi nahi badizkiguzu, ADEMBIrekin harremanetan jar zaitezke:
📞 944 765 138
📧 kaixo@adembi.org
Gure taldeak zure eskaera jasoko du eta zurekin harremanetan jarriko da hurrengo pausoen berri emateko.
Behar dituzun erantzunak aurkitzen laguntzeko gaude hemen. Miatu gure baliabideak.
Jarri gurekin harremanetan aholkularitza pertsonalizatua jasotzeko.
ADEMBI (Bizkaiko Esklerosi Anizkoitzaren Elkartea) irabazi-asmorik gabeko erakundea da. Gure eginkizuna esklerosi anizkoitza duten pertsonen bizitza hobetzea da, laguntza-programen, sentsibilizazio-kanpainen, zerbitzu espezializatuen eta ikerketaren sustapenaren bidez.
